اللقطات كملت.. ياسين قال حاجة بصوت واطي، وماما هزت راسها بعنــ,,ـــــف وهي بتعيط لا.. كفاية، مش قادرة أشيل خطايا عيلتكم أكتر من كدة. قلبي وقف.. ياسين قرب منها ولمس بطنها المنفوخة.. بس ملمسهاش بحنية، لمسها بخوف. الموبايل وقع من إيدي، وصوت خبطته صحى مريم. صرختها قطعت السكون، وفجأة حسيت إني مش قادرة أتحرك.

بنتي بتعيط، وأمي مرمية بتنازع في الصالة، وفي سر بيتنفس وسطنا في البيت ده. الصبح جه وكأنه عقاب. ماما كانت قاعدة قدام الشباك، مريم في حــ,,ـــــضنها، وبتغني لها أغنية قديمة كانت بتقولها لي وأنا صغيرة. كانت ضعيفة جداً، والبطن المنفوخة دي باينة وكأنها جسم غريب لازق فيها وبياكل في روحها. ياسين خرج من الأوضة، لابس هدوم الشغل وعينه في الأرض عندي اجتماع، هتأخر.

إيد ماما شدت على مريم وقالت بلهجة آمرة لأول مرة خليك هنا. ياسين اتسمر مكانه يا ماما؟ خليك هنا لحد بليل. مش هقدر. ردت بصوت الست اللي ربتني وبقت قوية زي زمان لا.. هتقدر. نظرة غريبة متبادلة بينهم.. نظرة فيها سر، وفيها تحذير. بعد ما ياسين دخل الأوضة، قفلت باب الشقة بالمفتاح. ماما سمعت تكة القفل وغمضت عينيها. شوفتي الفيديو، همست. زوري حــ,,ـــــرقني وقلت شوفت كفاية.

الأكثر قراءة الان

جوزى ض.ربنىمنذ 3 أسابيعحماتي رجليها اتك.سرتمنذ 3 أسابيعثـمن العيـش والمـلح ج 1 حكـايات مني السيدمنذ 3 أسابيع

ما سألتش شوفت إيه، لأن الحقيقة كانت أسوأ من أي خيال. سألتها بصرخة مكتومة إيه اللي في بطنك ده؟ بصت لمريم وبعدين بصت لي مش عيل يا ليلى. ركبي خبطت في بعضها أمال إيه؟ حاولت تقف، الوجع عصر وشها، جريت أسندها بس زقت إيدي ماتبقيش حنينة عليا دلوقتي.. غير لما تعرفي كل حاجة. رفعت طرف العباية.. كنت مستنية أشوف جلد مشدود من الحمل، كنت مستنية أشوف العار.

. بس اللي شفته كان صدمة عمري. جرح عملية جراحي طويل، مشدود وعليه كدمات زرقا وصفرا، وفوق الجرح بطنها كانت منفوخة بشكل مشوه، مش مدورة زي الحمل، لكن كأنها حاجة محبوسة وبتبوظ جوه. إيه ده؟ صرخت وأنا مخبية وشي. قالت وهي بتنهج بعد ولادتك لمريم، نزفتي كتير.. ياسين ماقلش ليكي، بس كبدك فشل فجأة وكان لازم فص كبد فوراً وإلا كنتي هتمــ,,ـــــوتي.

مستحيل! إنتي عيشتي عشان أنا اللي مضيت، وعشان فص من كبدي بقى جوه جسمك. قعدت على الأرض بذهول.. افتكرت لما فوقت بعد الولادة وياسين بيعيط وماما وشها أصفر زي الكفن، وقالوا لي ده مجرد تعب ولادة. كملت ماما بوجع العملية نجحت ونقذتك، بس بعدها حصل لي مضاعفات.. تلوث وجلطات وتجمع سوائل.. الدكتور قال لازم عملية تانية فوراً عشان أنضف القرف ده، وياسين وعدني إنه هيتصرف.

وليه خبيته؟ عشان كنتي لسه بتبدأي حياتك كأم، مش عايزة أصحيكي على ذنب. سألتها عن ياسين واللفة اللي كانت في إيده وياسين كان مخبي إيه؟ في اللحظة دي الباب اتفتح.. ياسين كان واقف، ماراحش الشغل. بص لماما وقال بصوت مهزوز قلتي لها؟ ياسين قفل الباب وبدأ يتكلم وهو بيمــ,,ـــــوت من الخوف المستشفى اللي ولدتي فيها كانت بتتاجر في الأعضاء.. شبكة كبيرة، دكاترة ومسؤولين.

لما ماما اتبرعت ليكي، اكتشفوا إن فص كبدها يطابق حالة تانية لواحد واصل جداً في البلد اسمه راشد بيه.. رجل أعمال ومشهور. جسمي اتنفض قصدك إيه؟ ياسين كمل وهو بيبكي استغلوا إنها تحت البنج وخدوا منها أكتر من اللي كان مسموح به.. ولما حصلت المضاعفات، هددوني.. هددوني بمريم.. بعتوا لي صور لسر,,ـــــيرها، وصورك وإنتي في الشغل، وقالوا لي لو فتحت بقي، مريم هتختفي. ماما لمست بطنها وقالت اللي في بطني ده مش جنين.