! افتكرتوا الأمانة والصندوق لما الشدة نزلت على راسكم؟! غوروا برة البيت ده.. ومحدش فيكم يلمس حبة رملة من البيت لحد ما نشوف أصل الحكاية دي إيه!”. الحاج عبد الصمد مسك إيد إبراهيم ورجاها: “يا ابني إنت راجل صاحب دين وعارف إن العيال دول ملهمش ذنب، والولاد غلطوا وهيتحاسبوا بالقانون، السجن هياكل من عمرهم سنين على الأقل في القضايا دي، بس نسبهم وأهلهم مالهمش ذنب؟ وأمهم تشوفهم في كفن بعد ما شافتهم بالكلابشات؟

ده كرمك هو اللي هيعيش يا ابني”. أمي كانت بتبص للسما، شفايفها بتتحرك بدعاء خافت، عيونها دمعت وبصت لإبراهيم بحزن يهد جبال وقالت بوهن: “يا إبراهيم يا ابني.. أنا قلبي انحرق منهم ومسامحاهم لوجه الكريم، بس العيال دول لحمي ودمي.. ولادهم مالهومش ذنب يشيلوا عار اليتم والفقر.. لو أبوهم سايب حاجة تنجدهم، طلعها يا ابني.

. بس إنت اللي تحط إيدك عليها، محدش يلمس مليم غيرك، وإنت اللي تدير الأمر بحكمتك ورجولتك”. إبراهيم بلع ريقه وبص لأمي، ولأول مرة حسيت بحيرته، هو راجل شهم وميعرفش يسيب حد في أزمة حتى لو كان عدوه، بس في نفس الوقت كان خايف تكون دي لعبة جديدة أو فخ. شاور لنهى وصفاء وكباراتهم وقالهم بصرامة: “الستات والعيال يدخلوا يقعدوا في الصالة التانية ومحدش يفتح بؤه بحرف لحد الصبح.

الأكثر قراءة الان

حماتي حكايات رومانى مكرم 1منذ شهرصد.مه حماتي لرضوى السيدمنذ شهرحكايات زهره الربيع 1منذ شهر

والحاج عبد الصمد يقف معايا برة، وهاتلي أجنة وشاكوش ثقيل من تحت السلم يا هدى!”. جريت قلبي مقبوض، جبت العدة وطلعت على برواز آية الكرسي القديم.. برواز خشب مدهب، كان أبويا معلقه على الحيطة من يوم ما اتجوز أمي، مسكه إبراهيم بحرص، قلبه وضهره كان خشب أبلكاش سميك، بمفك حديد فك المسامير الصغيرة، وتحت اللوح الأبلكاش كان محفور تجويف صغير جداً ومحطوط جواه كيس قماش أخضر ملفوف بخيط قطن، جواه مفتاح حديد غريب الشكل مسنن بتلات سنون مشطوفة، ومعاه ورقة صغيرة بخط أبويا القديم مكتوب فيها كلمتين بس: “هذا حق اليتامى والمظلومين.

. لا يُفتح إلا عند انقطاع الحيل”. “هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”