طارق طلع تقرير طبي رسمي أثبت بيه الكدمات اللي كانت على كتفي ودراعي من أثر شدة محمود ليا، ومعاه فلاشة عليها التسجيل الصوتي اللي سجله لما دخل الشقة، وفيه صوت أخته وهي بتعترف ضمناً، وصوت حماتي وهي بتسب وبتتهمني وبتطردني وتتوعدني بالفضيحة.

الأسبوع اللي بعده، كانت المفاجأة اللي هزت بيت حماتي هز عنيف. طارق رفع قضية تبديد منقولات زوجية بإيصالات الأمانة الأصلية والقايمة الموثقة اللي كانت بقيمة محترمة جداً، ورفع قضية خلع وشقاق للضرر مع تقديم التسجيلات والتقرير الطبي، وفوق ده كله بلاغ رسمي في النيابة بالسب والقذف والتشهير من حماتي وبنتها. في ظرف أيام، اتقلب السحر على الساحر. تليفونات الرجاء والوسايط بدأت تنهال، بس المرة دي مش علينا.. على عمي!

محمود اتبعتله استدعاء رسمي للنيابة في قضية تبديد المنقولات وخيانة الأمانة، وهي جناية عقوبتها الحبس لو ما سلّمش القايمة كاملة أو دفع تمنها كاش، وبنته الكبيرة جالها استدعاء للتحقيق بتهمة التشهير، والشقة اللي كانت مفتوحة للمعاير والدوس عليا بقت كابوس عليهم. في يوم، كنت قاعدة مع مرات عمي وسمعنا خبط شديد على الباب، فتح طارق ولقينا محمود واقف قدام الباب، وراه أمه، لكن المرة دي من غير الجبروت ولا النظرات الصفرا.

الأكثر قراءة الان

حماتي حكايات رومانى مكرم 1منذ شهرصد.مه حماتي لرضوى السيدمنذ شهرحكايات زهره الربيع 1منذ شهر

. حماتي كانت باصة في الأرض وشكلها مكسور، ومحمود وشه أصفر وشاحب كأنه عيان. حماتي بصت لعمي اللي كان قاعد في مكانه ومرضيش حتى يقوم يقف لهم، وبدأت تتكلم وصوتها بيرجف: "يا حاج إبراهيم.. إحنا ولاد أصول، والمشاكل ما بتتحلش في المحاكم وأقسام البوليس.. عيب نفضح بعض وإحنا نسايب، وبنتكم مكانها في عينينا، وجايين نصلح كل حاجة ونعملها شقة مستقلة لوحدها بعيد عني وعن بناتي خالص".

محمود قرب مني ومد إيده برجا: "سحر.. عشان خاطري، بلاش المحاكم، مستقبلي هيضيع، إنتِ عارفة إني بحبك بس أمي كانت ضاغطة عليا.. ارجعي ومش هتلمسي قشاية في البيت تاني!"بصيت لهما الاتنين، وشفت في عينيهم الرعب الحقيقي.. رعب مش ندم على اللي عملوه فيا، لكن رعب على نفسهم، رعب من الفضيحة والسجن وضياع الفلوس.

اللحظة دي بالذات، حسيت إن سحر القديمة الضعيفة الخايفة خلاص ماتت، وإن الست اللي واقفة قدامهم دي ست تانية خالص مبقتش تخاف من كلمة "مطلقة" ولا بترتعب من بكرة.

وقفت وربعت إيديا، وبصيت لمحمود في عينيه مباشرة، وقلت له بكلمات تقيلة وصريحة: "شقتك المستقلة دي تديهالها لواحدة تقبل تعيش مع راجل رخصته قدام أهله، راجل كان هيضربني ويكسرني عشان يرضي غلهم.. إنت لو دفعت دهب الأرض كله مبقتش تسوى في عيني تمن الدقيقة اللي نمتها على أرض المطبخ وأنا بستنجد بيك وإنت باصص في موبايلك".

حماتي برقت وقالت بغيظ مكتوم: "يعني إيه يا بت؟ هترمي الجوازة وتخربي بيتك؟"عمي خبط بعكازه في الأرض خبطة قوية رجت المكان، وقال بحزم شديد: "البيت ده اتخرب من تالت ساعة بعد الفرح لما نزلتوها تخدم، ودلوقتي الحساب هيتسدد على داير مليم.

. الطلاق يقع بالمعروف والقايمة تتدفع كاش، وبلاغ النيابة هيفضل سيف على رقبة بنتك لحد ما نشوف ورقة الطلاق الرسمي وحقوق البت كاملة في إيدها، وإلا القسم والنيابة موجودين ومحمود مكانه في الحجز محفوظ".محمود بص لأمه بيأس، وعينيه لمعت بالدموع، وحماتي لقت كل الأبواب اتقفلت في وشها بعد ما كانت فاكرة إنها اشترت جارية تدوس عليها طول العمر.